Хайр сэтгэлийн нууц задарлаа

Хайр сэтгэлийн шинж чанарыг Америкийн эрдэмтэд илрүүлсэн байна. Америкийн эрдэмтэн Хелен Фишер 30 жилийн турш энэ сэтгэлийг судалсан бөгөөд хувь хүний шинжийг бүрдүүлэгч гормоноос ихээхэн зүйл хамаардаг болохыг илрүүлжээ. Тэрээр хүнийг дөрвөн бүлэгт хуваажээ: “судлаачид”, “барилгачин”, “удирдагч”, “хэлэлцээр хийгчид”. Удирдагчдыг тестостерон гэгч бодисын өндөр агууламж тодорхойлж байдаг. Тиймээс энэ бүлгийн хүмүүс эрс шийдэмгий, шаардангуй байна. Тэд шулуухан ярьж стратегийн бодолтой юм. 

Дофамин гэдэг бодис давамгайлах юм бол “судлаачид” болж хувирна. Тэд хүмүүс хоорондын харилцаанд болон өдөр тутмын амьдралдаа хүртэл шинэлэг зүйл рүү тэмүүлдэг. 

Та хайртыгаа шинжээд үзээрэй

Зузаан уруултай
Эрч хүч ихтэй хүн юм. Гэхдээ зарим хүмүүс багадаа угж их хөхдөг байснаас болоод иймэрхүү уруултай болох нь бий. Энэ тохиолдолд дээрх шинж чанарын тухай яригдахгүй.

Дээд уруул нь нимгэн
Өөрийнхөө үнэ цэнийг мэддэг, бусдыг өөртөө яг л соронзон долгион шиг татаж чаддаг хэдий ч хайр дурлалын асуудал дээр тогтворгүй. Хариуцлагад дургүй нэгэн байдаг.

Доод уруул нь нимгэн
Их амбицтай хүн байдаг. Аливаад эмх цэгцтэй, бодлоготой ханддаг. Найз нөхөд болох хүнээ өөрийнхөө үзэл бодолтой санаа нэг хүнийг сонгодог.

Та утсаар яаж ярьдаг вэ?

Та өөрийгөө болон таньдаг, мэддэг хүмүүсээ гар утасныхаа дуудлагыг хэрхэн авдгаар нь шинжээрэй.

Шударга нийтэч хүн: Гар утсандаа дуудлага ирэх үед утсаа баруун гараараа авч баруун чихэндээ барьж ярьдаг бол тэр хүнд найдаж болно, Ийм хүмүүс ихэнхдээ үнэнч, шударга, нийтэч байдаг.

Амжилт өөд тэмүүлэгч: Гар утасныхаа дуудлагыг авахдаа босч ярьдаг бол тэр хүн нэлээд шургуу, амжилт өөд тэмүүлэгч, эрч хүчтэй нэгэн.

Өөрийгөө дутуу үнэлэгч: Утас нь дуугарахад баруун гараараа авч зүүн чихэндээ барьж ярьдаг бол тухайн хүн их даруу, нуугдмал нэгэн. Түүнчлэн өөрийгөө үргэлж дутуу үнэлдэг нь түүний хамгийн гол дутагдал.

Мөнгөөр гачигдахгүй байх арга

МӨНГӨНД САЛХИ ОРУУЛ
Хэрэв та цалингаа аваад л хав дарчихдаг бол мөнгөний заяа гомдоно. Гэхдээ энэ нь найрлаж, цэнгээд дуусга гэсэн үг биш. Өвчтэй үед нөхдөө эргэх, өнчин ядуу хүнд буян үйлд. Үүнд нэг их мөнгө орохгүй. Харин та сэтгэл санааны хувьд, таашаал авч баясна.

БҮҮ ШУНА
Хүсэл, шуналаа хязгаарла. Янз бүрийн арга бүү сэд. Мөнгөнд хэт догдлох мөн эмзэг хандах хэрэггүй. Танаас мөнгө гарах ёстой л бол түүнийгээ өг. Мөнгөө алдсан тохиолдолд хэзээ ч бүү харамс.

МӨНГИЙГ ЯС БҮҮ ТООЛ
Монгол хүн хувхайрна гээд малаа хуруугаараа тоолохыг цээрлэдэг.  Багцааг нь тоймолж мэддэг. Та ч гэсэн мөнгөнд тэгж ханд. Үдэш орой мөнгө бүү тоол. Мөнгөний асуудлаар хүнтэй хэрүүл бүү хий. Өглөө учрыг нь ол.

Эрүүл мэндэд хортой 10 бүтээгдэхүүн

Хоолны хордлого гэдэг бол хүний амьдралд маш аюултай зүйлсийн нэг билээ. Тэгвэл бид өөрсдийн хэрэглэж байгаа хүнс хэр аюултай болохыг бид мэддэггүй. Тэгвэл нэгэн судалгаа шинжилгээний байгууллага янз бүрийн өвчнүүдийн үндэс болдог хүнсний зүйлсийг 1990 оноос хойш судалж байгаа бөгөөд маш олон хүнсний бүтээгдэхүүнийг оруулсан байдаг байна. Өөрсдийн эрүүл мэндээ хамгаалахын тулд хүнсний бүтээгдэхүүнүүдтэй зөв харьцаж сурахыг зөвлөжээ.